Wednesday, August 27, 2014

මොකක්ද මේ වී ?- What the hell is this "V"?




අද කියන්න යන්නෙ Profile Picture එක විදිහට යොදාගත්ත පින්තූරෙ ජාතක කතාව. ඒ තමයි 1980 දශකය අගදි ප්රචාරය වුනු V (tv series) නැමැති විද්‍යා ප්රබන්ධ කථා මාලාව. මේක විසිටර් බොහොම ආශවෙන් බලපු කතාවක්. එයාගේ පංතියෙ යාලුවො කීප දෙනෙකුත් හිටියා ඕකට වහ වැටුණු. ඒ කාලෙ අද වගේ නෙමෙයි, ඔය රෑපවාහිනී ඉංග්රීසි වීරකතා වුනු (Action Series)  Knight Rider, Street Hawk, McGyver, Robin of Sherwood, Tarzan, Miami Vice, The "A" Team, Bonanza, Air Wolf විතරක් නෙමෙයි Little House on the Prairie, Butterfly Island වගේ ලමා මනස ඉලක්ක කරගත්තු කතාත් (Dynasty, Return to Eden වගේ ගොඩක්ම ලාබාල අයට හදපුවත්) අපි හරි ආශවෙන් බැලුවා.

ඒ කාලෙ විද්‍යා ප්රබන්ධ අඩුයි. තාක්ෂණය ඒ තරම් දියුණු නැති නිසා අද ඒ කතා බැලුවාම හිනාත් යනවා තමා. ඒත් ඒ කාලේ ඔය කතාවක තේමා වාදනය ඇහෙද්දිත් හිතට අමුතු තිගැස්මක් එනවා.
අපේ මාතෘකා වුණු V නමැති කතාව ඇත්තටම කාණ්ඩ 4 කින් හදා තියෙනවා. V (1983 miniseries) V: The Final Battle, V (1984 TV series) සහ V (2009 TV series). අපි බැලුවෙ 1984 sequel එක.
කතාව කෙටියෙන් මෙහෙමයි.


පිට ග්රහ ලෝකෙකින් යානා 50 ක් (බලන්නකො ඒකෙත් හැටි. හරියටම 50 යි ඈ...) අපේ ලෝකෙට එනවා. ඒවයෙ ඉන්නෙ මිනිස්සුම තමයි (ඕක ඉතිං විද්‍යා ප්රබන්ධ කාරයො වරද්දාගන්නම තැනක්නෙ). ඔවුන් එන්නෙ ෂේප් න්‍යායෙන්. අණ දෙන්නා තමයි බොහොම අයස්කාන්ත රෑපයක් තියෙන ඒත් අති දුෂ්ඨ Diana නම් කාන්තාව. Lydia කියන්නේ ඇගේ දෙවැනියා. ඇයත් බොහොම ලස්සන Blonde කෙනෙක්. මේ කාන්තාවො දෙන්නගෙ වැඩේ ඉතිං එකාට එකා කපාගන්න එක තමා (බලන්නකො පිට ග්රහලෝක වලත් මෙහෙ වගෙනෙ- අපෙන් බෝ වුනාද දන්නෙ නෑ). 

මේ ගොල්ලෝ අපෙන් ඉල්ලනවා එයාලට උවමනා රසායන ද්රව්‍ය සහ ඛණිජ වර්ග. ඊට හිලව් වශයෙන් ඔවුන් දෙන්න හදන්නේ ඔවුනගේ දියුණු තාක්ෂණය. නමුත් එක් මාධ්‍ය වේදියෙක් (Mike Donavan) පිටසක්වලයින්ගේ මව් යානයට රිංගලා හොයාගන්නවා මේ ජීවින්ගේ මිනිස් ස්වරෑපය කෘතිම එකක්, ඔවුන්ගේ කෘතිම හමට යටින් ඉන්නේ මාංශභක්ෂක උරග වර්ගයට අයත් භයානක ජීවීන් පිරිසක් වග. ඔවුන්ගේ අරමුණ පෘථිවියේ පාලනය අල්ලාගෙන ජලය සම්පූර්ණයෙන් ලබාගැනීමත් ආහාර පිණිස මිනිසුන් වගා කර ඒ මත යැපීමත් බව. 

මේ මාධ්‍ය වේදියා බොහොම සුන්දර වෛද්‍ය ශිෂ්‍යාවක් (Juliet "Julie" Parish) හා තරමක් මුරණ්ඩු, හිටපු CIA නියෝජිතයෙක් (Ham Tyler) සමග ගොඩනගනවා ප්රතිවිරෝධී කණ්ඩායමක් පිටසක්වලයින්ට විරැද්ධව. ඒ අතරෙ මිනිස්සු සොයාගන්නවා red dust නමැති බැක්ටීරියාවක් මේ ජීවීන්ට මාරාන්තික ලෙස හානිකර. ඒ බැක්ටීරියාව නිපදවන විද්‍යාගාරයේ හිමිකරැ (Nathan Bates) පිටසක්වලයින් සමග එක් වෙලා
ලොස් ඇන්ජලිස් නගරයේ බලය අල්ලාගෙන ආණ්ඩුකාරයා වෙනවා. හැමතැනම වගේ මෙතනත් පිටසක්වලයින් අතර ඔවුන්ටම විරැද්ධ කණ්ඩායමක් ඇතිවෙනවා පස්වන කුලුණ නමින්. ඔවුනුත් අර ප්රතිවිරෝධී කණ්ඩායමත් එකතුවෙලා පිටසක්වලයින්ට එරෙහිව කරන සටන තමා කතා මාලාව පුරාම යන්නෙ. ඔය අතරෙ පිටසක්වලයෙකුයි මනුස්ස දුවෙකුයි එකතුවෙලා හයිබ්රිඩ් ලමයෙකුත් (Elizabeth Maxwell) ලැබෙනවා. ග්රහ දරැවෙක් (Star Child) කියමුකො. මේ දැරිය බොහොම ඉක්මනින් සර්පයො හැව අරිනවා වගේ වැඩිවියට පැමිණිලා අපූරැ තරැණියක් වෙනවා අසාමාන්‍ය හැකියාවන් ඇති. ඇයව අවසානයේ පිටසක්වලයින්ට භාරදෙනවා ආපහු එයාලගෙ ලෝකෙට ගෙනියන්න. යුද්දෙ අවසන් වෙන්නේ සාම සාකච්ඡාවකින්, පුදුම වෙන්න එපා.

කතාව කොටස් 19 යි. හැබැයි ඒ කාලෙ හරිම ත්රිල් ඕක බලන කොට. රෑපවාහිනියෙත් ගිය Beast Master හි (අනේ මන්දා ඒ කතාවේ කොයිතරම් සාර්ථකව මෙයා පෙනීහිටියද කියලා) ප්රධාන චරිතය පණපෙවූ Marc Singer මේ කතාවෙදි Mike Donavan චරිතය නිරෑපනය කරනවා. Juliet Parish ලෙස සුන්දර Faye Grant නම් නිලියත් Nathan Bates ලෙස Lane Smith, Michael Ironside නම් කැනේඩියානු නලුවා Ham Tyler ලෙසත් Friday the 13th Jason Lives හි පෙනීසිටි Jennifer Cooke මෙහිදී Elizabeth Maxwell ලෙසත් Diana ලෙස Jane Badler හා Lydia ලෙස June Chadwick යන නලුනිලියන් සෑහෙන සාර්ථක රංගනයක යෙදෙනවා. ආයි අනෙක් පැත්තට අසාර්ථක දර්ශන නැතුවාම නොවෙයි. යානයක Cannon එක Fire කරද්දි ඇත්තටම එහෙම නොවෙන නිසා නලුවන්ට එය මුහුණෙන් පෙන්වන්න වෙනවා මාංශ පේශි හකුලලා. මේ දර්ශනය ඉතාම අතාත්විකයි. මොකද බොත්තමක් ඔබන්න මූණ අකුලන්න ඕනියැ. හිස් අවකාශේ යානයක් ලුහු බැදගෙන යද්දි අපි වාහන එලවද්දි වගේ වමට දකුණට ඇලවෙවී එබී බලන්නේ ඇයි කියලාත් සුක්කානම් lever එක එහා මෙහා කර කර යන්නෙ ඇයි කියලාත් මට ඒ කාලෙත් ගැටලුවක් තිබ්බා.
කොහොම වුනත් V කියන්නෙ 1980 ගණන්වල සාපේක්ෂව සාර්ථක නිර්මාණයක්. දර්ශන පසුතල ව‍ගේම පිට සක්වල ජීවීන් ලෙස නලු නිලියන් ක්රියාකරන ආකාරය සෑහෙන්න තාත්ත්විකයි.
ලේසර් වැනි කිරණ විශේෂයකින් පහරදෙනකොට පහර වදින අන්දම හරි අපූරැවට නිර්මාණය කරලා තිබුණා. ඒක අපිට වදිනවා වගේ දැනෙන්නේ. (දර්ශන බලන්න www.youtube.com/watch?v=Wa2aCC-1JEs, www.youtube.com/watch?v=M77HfZu24bw).

දැන් පොඩි පොදු විචාරයක් ලියමු.


මම මුලින් කීවා වගේ ඒ කාලෙ නෙමෙයි අදත් විද්‍යා ප්රබන්ධ සිනමා කරැවන් එකම රාමුවකට කොටු වෙනවා.
·         ඒ කියන්නේ ඔවුන් පිට සක්වල යානා ලෙස පෙන්වන්නේ සීමිත ආකෘති කීපයක්. එක්කො පීරිසිය     නැත්නම් අර පොඩි කාර් එකක් වගේ පස්සෙන් දුම් දාන එක.
·         පිටසක්වල ජීවීන් හැමෝම වගේ ස්වරෑපයෙන් හැඩයෙන් මිනිස්සුන්ට සමානයි හෝ ඉතා ආසන්නයි. අඩුම ගණනෙ අපේ ලෝකෙ ජීවත්වෙන සතෙකුට (හෝ සත්ව මිශ්රණයකට) සමානයි. මේක විය යුතුමද, නෑ නේද?
·         අනික තමයි කිසිම සංනිවේදන ප්රශ්නයක් නෑ අපේ භාෂාවන් වහාම ඉගෙනගන්නවා හෝ එන්නෙම ඉගෙනගෙන.
·         එන්නෙත් අපිව කන්න බලාගෙන. යුද්ධ කරනඑක නම් මිනිස් (නෑ නෑ සත්ත්ව) ස්වභාවය කියමුකො.
·         විශේෂ දෙකක් මුහුන් කරන්නත් සෑගෙන ගේමක් දෙන්න ඕනි එකේ මේ ගොල්ලො සහ අපි අතර ප්රජනන ක්රියාවලිය සිදුවන බව පෙන්වීමත් විහිලුවක්.
·         තවත් එකක්. පිටසක්වලයින් අපේ මිනිස් ක්රියාකාරකම්ම කරන එක. කන, බොන, ඇවිදින, නිදන ආදී ක්රියාකාරකම්.
·         අනික මේ පොලොවේ තියෙන විෂබීජ, බැක්ටීරියා ආදියට ඔවුන්ගේ ශරීරය ප්රතිචාර දැක්වීම. ඔවුන් ලෙඩවීම හෝ මියයාම.
·         අවසාන වශයෙන් මිනිස් ලෝකෙ කළමණාකරණ න්‍යායන්, උපක්රම සහ ඒවා ප්රායෝගිකව යෙදීම පිට සක්වලයින් ඒ විදිහටම අනුකරණය කරනවා.

විද්‍යා ප්රබන්ධ ලියන අය වගේම චිත්රපට හදන ඈයොත් සුපුරැදු රාමුවෙන් පිටට ගිහින් මේ ලෝකේ නැති දෙයක් පිට සක්වලයින් එක්ක පෙන්නුවොත් තමා වඩාත් නිර්මාණශීලී වෙන්නෙ.

මේ දේවල් ඒ තරම් හිතන්න අවශ්‍ය නැතත් උපකල්පන හෝ සංකල්ප තමා විද්‍යාව ගොඩනගලා තියෙන්නෙ. ඉතිං විද්‍යාඥයොත් උනන්දු වෙන මේ දේවල් ගැන අපිත් හිතලා බැලුවට කමක් නෑ. ඇත්තටම විශ්වයේ තවත් ජීවයක් තිබේද යන්න සෑහෙන්න පර්යේෂණ වලට මුල්වුණු මාතෘකාවක්.

Hollywood සිනමාවේ අදටත් බාල චිත්රපට (low budget) නිපදවෙනවා. උදාහරණයක් විදිහට 2010/11 තරම් මෑතකදි නිපදවුණු Mega Piranha සහ Super Shark  වගේ චිත්රපට බැලුවම හිනා යනවා ඉල කැඩෙනකම්. ඒවායේ භයානක බව දැනෙන්නෙම නැහැ. Super Shark සෑදීමට මුල්වූ 1975 තිරගත වූ Jaws ඒ කාලේ හැටියට ඉතාම ඉහල නිර්මාණයක් (මම ඊ ලග Entertainment Post එකෙන් ඒ ගැන කතාකරන්නයි හිතා ඉන්නෙ).



Friday, August 1, 2014

අන්තර්ජාල බැංකුකරණය - e-Banking

e-banking එහෙම නැත්නම් Internet Banking ගැන අහලා ඇති හැමෝම වගේ. Online Banking, Home Banking ආදී වශයෙන් වාණිජ්‍ය අධ්‍යාපන විෂයය ධාරාවේ වෙන් වෙන්ව දක්වා ඇතත් මේ හැම නමින්ම කියවෙන්නේ එකම සේවාවක් තමයි.
අන්තර්ජාලය භාවිතා කරන ඕනිම කෙනෙකුට ලබාගතහැකි මෙය ඉතාම වටිනා බැංකු සේවාවක්. වර්තමානයේ වාණිජ බැංකු සියල්ලම පාහේ මේ සේවාව සපයනවා. ඒ වගේම මෙම සේවාව නුදුරැ අනාගතයේදී තව තවත් දියුණු වී පහසුකම් රැසක් සලසනු ඇති. ඔබට තවදුරටත් බැංකුවට යාමට අවශ්‍ය නොවේවි.
ඊ බෑන්කිං මගින් සේවාවන් ලබාගත හැකියි.

1. ගිණුමේ ශේෂය දැනගැනීම
2. පෙර ගණුදෙනු පිළිබද සියලු විස්තර බලාගැනීම
3. තමන්ගේම ගිණුම් අතර මුදල් මාරැකිරීම
4. වෙනත් අයෙකු සතු එම බැංකුවේම ගිණුමකට මුදල් මාරැ කිරීම
5. වෙනත් අයෙකු සතු වෙනත් බැංකුවක ගිණුමකට මුදල් මාරැ කිරීම
6. ලං.වි.ම., ජල සම්පාදන, SLT, Dialog (TV, CDMA, Mobile), Mobitel, Etisalat, Airtel, Lankabell ආදී පාරිභෝගික බිල්පත් ගෙවීම,
7. රක්ෂණ වාරික ගෙවීම
8. සෑම ගණුදෙනුවකටම රිසිට්පතක් ලබාගැනීම ආදී සේවා රැසක් මෙයින් ඉටුකරගත හැකිය.

මෙම මූලික සේවා වලට අමතරව තවත් පහසුකම් ඒ ඒ බැංකු වලට අනන්‍යයයි.

මෙම සේවාව ලබාගැනීමට ඔබ බැංකුව නිකුත්කරන අයදුම්පතක් පුරවා සහ ඊටම යාකල ගිවිසුමක් අත්සන් කර බැංකුවට භාර දිය යුතුයි. මෙහිදී ඔබ දිනකට ගණුදෙනු කිරීමට අපේක්ෂිත මුදල් සීමාව සදහන් කිරීමේදී තරමක් ඉහල සීමාවක් (රැ.1000,000 ක් වගේ) දක්වන්න. නැතිනම් පසුව සැකසීමට තරමක් කරදරයි.


හැබැයි, තමන් ගණුදෙනුකරන ගිණුම් සහ බිල්පත් වලට අදාල අංක (දුරකථන අංක, විදුලි බිල්පත් අංක) ආදිය පසුව තමන්ගේ Profile එක මගින් වෙනස් කල හැකියි. ඒවා ගණුදෙනු කරන සෑම විටෙකම ඇතුලත් නොකර මෙනුවකින් තෝරාගැනීමට මෙමගින් හැකිවෙනවා.

ඉන්පසු ඔබගේ User ID එක හා Password එක තැපෑලෙන් ගෙදරටම ලැබෙනවා. එය මගින් අන්තර්ජාලයට පිවිස තම Password එක සුදුසු පරිදි වෙනස්කරගත යුතුයි. ඉන් පසු ඉහත සේවාවන් ඔබ සදහා විවෘතයි.


නිකම් හිතන්න.
බිල්පත් ගෙවන්න පෝලිං වල ඉන්න ඕනි නැ. ගෙවල්කුලී, රක්ෂණ වාරික, ලීසිං වාරික ගෙවන්න පුලුවන් එක මොහොතින්. තමන්ගෙ යාලුවෙක් නෑදෑයෙක් හෝ ඕනිම කෙනෙක් එක්ක මුදල් ගණුදෙනුවක් ක්ෂණිකව කරගන්න පුලුවන්. රී ලෝඩ් දාලා මල් කඩන්න පුලුවන්.

දවසේ පැය 24 පුරාම අවුරැද්දේ දින 365 (හෝ 366) පුරාම බැංකු ඇරලා තිබුණත් නැතත් මේ ගණුදෙනු නිවසේ සිටම කරන්නට පුලුවනි. ඒ විතරක් නෙමෙයි නිවසෙන් පිට වුනත් අන්තර්ජාල පහසුකම තියෙන ඕනිම තැනකදී හෝ අන්තර්ජාල පහසුකම ඇති ඕනිම ජංගම දුරකථනයකින් (ඇයි ලැප?) වුනත්.

මෙම සේවාව ලබාගැනීමේදී ඔබ ප්රවේසම් වියයුතු තැන්ද තියෙනවා.
1. Identity theft කියන්නේ ලෝකය පුරා පැතිරැණු මහ වසංගතයක්. බැංකු මෙයින් ‍සහමුලින් බේරිලා නෑ. ඔබගේ User ID එක හා Password එක leak වුනොත් අබ සරණං ගච්ඡාමි. ඔබට වියහැකි මූල්‍යමය අලාභය කියා නිමකරන්න බැරිවේවි. ඒ නිසා මේ වගේ අනතුරැ ඇගවීම් බැංකු විසින් පලකරනවා.




අපි කෙලින්ම link එකෙන් ගියාම හරි. කාටවත් Keystroke අල්ලගන්න බැරිවෙන්න. ඒ වගේම මුදල් සම්බන්ධ කටයුතු වලදි කාවවත් විශ්වාස කරන්න එපා. තමන්ගෙ ගිණුම් තොරතුරැ leak වෙන්න දෙන්න එපා. 

2. Online කීවාට අනෙක් බැංකුවල ගිණුමකට මුදල් මාරැකරන කොට ඒක එවේලෙම ගිණුම්ගත කරන්නේ (real time processing) නෑ. කාණ්ඩ ක්රමයට (Batch processing) තමා කරන්නේ. ඒ නිසා දවස අවසානයේ තමා බැර වෙන ගිණුමට මුදල් ලැබෙන්නේ. නමුත් වඩාත්ම ව්‍යාපාරික අදහසින් නොබලා විශ්වාසය තහවුරැ වීම හා ගණුදෙනුකරැගේ මුදලට උපරිම ආරක්ෂාව සලසන බැංකු තමා මේ ක්රමය ක්රියාත්මක කරන්නේ. එවැනි බැංකුවක් තම ගණුදෙනු සදහා තෝරාගැනීම ඉතා වැදගත්, පාඩුවෙල් පෙට්රල් හොයනවට වඩා.

3. තාක්ෂණය සර්ව සම්පූරණ හෝ සහමුලින් විශ්වාසකල හැකි දෙයක් නොවන බව ඔබ දන්නවා. එසේනම් අන්තර්ජාලයෙන් මේ කෙරෙන ගණුදෙනුත් එම රීතියට යටත්. තමන් කල ගණුදෙනුව ඇතුලත් රිසිට්පත මුද්රණය කරගැනීම ඉතාම වැදගත් වගේම අත්‍යවශ්‍යයයි, පසු පරීක්ෂාවකට. 

හැමදේටම pros and cons තියෙනවානෙ. ගැඹුර දැනගෙන බහින්න. පීනන්න. ඒ ආශ්වාදය ලබන්න. ඊ බෑන්කිනුත් ඒ වගේ. 

නැවත හමුවෙමු. ගැටලු ඉදිරිපත් කරන්න.