Monday, September 29, 2014

සල්ලි දෙයියන්ගේ මල්ලිනම් ලක්ෂ්මි කවුද? (6-අවසාන කොටස) Brother of God and Goddess Lakshmi (6-Final Episode)

ධනයට අධිපති
මිත්‍රවරුනි, 
මේ සැප්තැම්බොර මාසය තිස්සෙ පෝස්ටු 6 ක් දක්වා ඇදගෙන ආපු මේ සල්ලි කේස් එක අහවර කොරන්ට තමා මගේ බලාපොරොත්තුව. මේක හිතුවට වඩා කොරගෙන යන්ට උනත් මේකෙන් ඔක්කොම කවර් කොරන්ට බොහොම අමාරු බව තමුන්නාන්සෙලාට අමුතුවෙන් මතක් කොරාන්ට ඕනි නෑ. ඒ නිසා අපි යමක් කමක් පමණක් ඉගෙනගෙන අලුත් මාත්තුරුකාවකට මාරු වෙන්ට හිතන්ට ඕනි.

මෙන්න පරණ එව්වා....එක, දෙක, තුන, හතරපහ

අපි පළවෙනි පෝස්ටුවේදිම කතා කොලානොවැ අපේ රටේ දැන් භාවිතාවෙන කාසි ගැන. එයිට කලින් හිටපු එංගලන්ත මහ රජ්ජුරුවො වෙච්ච හයවෙනි ජෝර්ජ් රජ්ජුරුවන්ගෙ රූපය ගත්තු 1958 දි අච්චු ගහපු ශත පහේ කාසිය ඔන්න මුලිංම දැම්මා. 1936-1952 කාලය තුල එංගලංතෙ පාලනය කල මුන්නැහැ බොහොම සබකෝලෙන් හිටි රජෙක් විදිහටයි පොරසිද්ද. 2010 අවුරුද්දෙ ඔස්කාර් සම්මාන 4 ක් සමග හොඳම චිත්‍රපටිය වුනු The King's Speech කතාව ගෙතිලා තියෙන්නේ මුන්නැහැගෙ ඔය සබකොලෙ වටේ තමා, ආයිබොවන්ඩ. උන්නැහැගේ දෝනියන්දෑ වෙච්ච 1952 ඔටුනු පළන් දෙවන එළිසබෙත් රැජිනගෙ රූපය ගත්තු 1957 දි අච්චු ගහපු ශත දෙකේ කාසිය තමා ඔය බැබලි බැබලි තියෙන්නෙ ඊට පහලින්. මේ බීක්කු (Scalloped) හැඩය ශත දෙක සහ ශත දහය යන කාසිවල දකින්න හැකියි. නිකම්ම නිකං රවුං කාසිවලට වඩා මේ මල් මල් සත දහයට ඉස්සර පුංචි එවුං හරි ආසයි. ඒ වගෙම හතරැස් සත පහට පස්සෙ රවුං සත පහක් ආයි ආපු බවට සාක්කියක් මේ.

ශත පහ 1958 හයවන ජෝර්ජ් රජු
ශත දෙක 1957 දෙවන එළිසබෙත් රැජින
 එතනින් තව පස්සට යනකොට 1951 ගහපු මෙන්න මේ පහල තියෙන සත දෙකේ ඉන්නෙත් අර රජාම තමා. ඉස්සර ඔබ ශත දහයෙ, දෙකේ හැඩේට ලොසිංජර ජාතියකුත් තිබ්බා මතකයි.
ශත දෙක 1951 හයවන ජෝර්ජ් රජු
ඔතනිනුත් තව ටිකක් රිවස් කලාම 1944 දි ගහලා තියෙනවා මෙන්න මේ ශත දහයත් පහත් ජෝර්ජ් රජ්ජුරුවො එක්කම. ඔය සත පහ වගේ මූණ කියලා කියමනක් එන්න හේතුවත් මේ පහල තියෙන හතරැස් සතපහම තමා. 

ශත දහය 1944 හයවන ජෝර්ජ් රජු

ශත පහ 1944 හයවන ජෝර්ජ් රජු
1937 හා 1926 දි පුරුදු හයවෙනි ජෝර්ජ් උන්නාන්සෙ එක්කම අපිට මුණ ගැහුණා ශත බාගේ දුර්ලභ කාසියක්. බලංටකො ඒකෙත් හැටි.

ශත 1/2 (බාගෙ) 1937 හයවන ජෝර්ජ් රජු
හයවෙනි එක්කෙනාගෙත් අප්පුච්චා වෙච්ච පස්වෙනි එක්කෙනා 1927 වගෙම 1926 ගහපු මෙන්න මේ ශත දහයේ කාසියෙ දැක්කැකි. උන්නැහැ 1910-1936 කාලයේ තමා රජ කොලේ. 
ඊට පස්සෙ තමා මේ රවුං දහය වෙනුවට මල් සත දහය ආවේ.  

ශත 10 1927 පස්වන ජෝර්ජ් රජු
මෙන්න අර මූණ. හැබැයි තඹ මූණ නෙමෙයි සුදු මූණ. අවුරුද්ද 1926. රජා ජෝර්ජ් -5. 

ශත පහ 1926 පස්වන ජෝර්ජ් රජු
මේං පලාන්ඩප්ප මූණ අනික්පැත්ත හරෝගෙන 5වන ජෝර්ජ් උත්තමය 1910 ගහපු මේ රවුං සත දහයෙ රවං ඉන්න හැටි.  
ශත දහය 1910 පස්වන ජෝර්ජ් රජු
අඩේඅප්පා 1902 වගේ කාලෙත් සත පනහ තිබිල එහෙනං. 1901 ඉඳං 1910දි සුවර්ගස්ත වෙනකංම එංගලන්තුවත් අපිවත් පාලනය කොරාපු හත් වන එඩ්වඩ් රජ්ජුරුවො තමා මේ. 

ශත පණහ 1902 හත්වන එඩ්වඩ් රජු

කවුරුත් අහලා තියෙන 1837 ඉඳලා 1901 වෙනකං අවුරුදු 64 ක් (අවුරුදු ඈ...අර අනික්වා 64 තිබ්බ වගක් මූණ දැක්කමනං පේන්නෑ...) බ්‍රිතාන්‍ය අධිරාජිනිය වුනු වික්ටෝරියා මහ රැජින තමා 1900 ගහපු මේං මේ සත දහයෙ ඉන්නෙ. මහ රැජිනකටත් ගිය කල අම්මපා.

ශත දහය 1900 වික්ටෝරියා රැජින
ඊට හපං මේ...ශත කාලටම 1901 බැහැලා 
ශත 1/4 (කාල) 1901 වික්ටෝරියා රැජින
මෙන්න 1870 ආපු සතය හා සත පහ අර උත්තමාවිය එක්කම. වික්ටෝරියානු කාසි ඔච්චරයි පුතේ හොයාගන්ට ඇහැක් වුනේ මගේ අනික් වැඩ අතරෙ. තව නැතුවා කියනවා හෙම නෙමෙයි ඈ...

සතය 1970 වික්ටෝරියා රැජින

ශත පහ 1870 වික්ටෝරියා රැජින
මේ කාලෙ රට පාලනය කොරපු ඉංග්‍රීසීන් ලංකා රුපියල් කාල, බාගෙ වගේ කාසිවලට වඩා භාවිතා කලේ ෆාර්දින් (Farthing), පනම (Fanama) සහ රික්ස් ඩොලර් (Rix Dollar) යන කාසිත් ඉන්දියානු රුපියල. ඔන්න අනු පිළිවෙලටම දාල ඇති පටලෝගන්නවා හෙම නෙමෙයි.

ෆාර්දින් කාසි 1842 වික්ටෝරියා රැජින
පනම් පහ සහ දෙකහමාර 

රික්ස් ඩොලරය 1821 හතරවන ජෝර්ජ් රජු
මේ පහල රූපෙ ඉන්නෙ 4 වෙනි විළියම් රජතුමා ඉංග්‍රීසි දේසේ. හොඳට බලන්න පෙරදිග ඉන්දියා සමාගම කියලාත් වසර 1935 කියලාත් තියෙනවානෙ. මේ සමාගම එක්ක අපිට ඓතිහාසික ගණුදෙනුවක් තියෙනවානෙ ඉතිං. 
ඉංදියානු රුපියල් කාල
මේ මක්කැයි එතකොට මේ තියෙන්නේ? මේ තමා ක්‍රෙඩිට් බ්‍රීවන් (Kredit Brieven) හෙවත් කැස් නෝටන්(Kas- nooten) ලෙස නම් කල ලංකාවේ මුල්ම මුදල් නෝට්ටුව. මේක ඕලන්දක්කාරයො තමා අපිට හඳුන්වාල දීලි තියෙන්නෙ. 


පළමු නෝට්ටුව
ඔවුන් රට පාලනය කල කාලෙ රික්ස් ඩොලර් වගේම දොයිතු (Duits), තුට්ටු (Stuivers) යන කාසිත් සීලන්ත කාසි (Zeelandia) කියාල ජාතියකුත් තිබ්බා. හැබැයි මේ තුට්ටු, පනම, සල්ලිය කියන වචන සහ කාසි මහනුවර රාජධානි කාලෙ ඉඳං තියෙන බවයි පේන්නේ.
දොයිතු
 තඹ දොයිතුවක් නෑ අතේ කිව්වලු.
තුට්ටු
 ඕකානං තුට්ටුවකට වටින්නේ නෑ කිව්වලු.

සීලන්ත කාසි
මෙකුත් කිව්වෙ නැතිලු...!!!
පුරුතුගීසි කාලෙ තිබිලා තියෙනවා මලක්කා සහ තංගම කියලා කාසි වර්ග දෙකක්. ගිනි මස්ස කියාල එකකුත් තිබ්බලු.
මලක්කා

තංගම
පහල බලාන්ට... මේ රූප මාල පෙතිවල එහෙම දැකලා ඇති. මේ තමා කහවණු. බුද්ධ කලෙ, රජ කාලෙ ඉඳං එන වචනයක්නෙ (කාසියක්නෙ) මේක. 
කහවණු
මේ තියෙන්නේ කහපණ හෙවත් පුරාණ (Eldings). ලංකාවේ පළමුවෙන්ම හඳුනාගත් කාසි වර්ගය තමා කහපණ කියන්නේ. කහවණු භාවිතයේ තිබුණත් කහපණ අපේම ආවේණික කාසියක්.
කහපණ
මෙන්න තියෙනවා ලක්ෂ්මි ඵලක (Lakshmi Plaques). 
ලක්ෂ්මි ඵලක
කහපණ හදන්ට යොදාගත්තු ශිල්පයෙන්ම සෘජුකොණාශ්‍රාකාර තහඩු තීරු කපලා තමයි මේවා හදාල තියෙන්නෙ. මේ ලිපි පෙල ආරම්භයේ ඉඳං මුදුනේ වැජඹුණු ලක්ෂ්මියගේ රුව මේ තහඩුවල දකින්න පුලුවන්. එතකොට ලක්ෂ්මි තමයි බැලුවාම ඉස්සරෝම කාසියකට ගිය කාන්තා රත්නය. ඉතිං එයාව ධනයට අධිපති කොරගත්තට මක්ක වෙනවැයි. 

මේ සේරෝම කාසි ශ්‍රී ලංකා මහ බැංකුවේ මුදල් කෞතුකාගාරෙ දි බලා කියාගන්ට ඇහැකි. 

මම ඉදිරිපත් කලේ අතලොස්සක් වූ මුදල් නෝට්ටු හා කාසි පමණයි. එකම දේ දිගටම ලියන එකත් කියවන එකත් නීරස නිසා අපි මේ සල්ලි කේස් එක අහවර කොරමු එහෙනං. වැරදි ඇතොත් දන්නංට, වහා නිවැරදි කොරඤඤං. 

මේ ලිපි පෙලට පිංතූරු හොයංට බොහොමයක් වෙබ් අඩවි වලට රිංගංට උනා. ඒ අඩවි නිර්මාණය කල හැමෝටම පොදුවේ බොහෝම, බොහෝම ස්තුති කරංට ඕනෑ...නම් වශයෙන්, සබැඳි වශයෙන් දැම්මොත් පෝස්ටුවට වඩා දික්වන නිසා දාන්ට අමාරුයි. 

අහවර කොරංට කලිං මං ලමයිංගෙං පුරස්නයක් දෙකක් අහන්නං...දැනුම පරීක්සා කොරන්ට වගේම නොදන්නා අයට දැනගන්ට.
  1. ලංකාවේ වැඩිපුරෝම අතිං අත යන දෙක මොනවාද? (නෝට්ටු දෙක ඈ...)
  2. හොඳින් සංසරණය වෙන සාමාන්‍ය නෝට්ටුවක ආයුකාලය මාස කීයද? (පොඩි උදව්වක් කරඤඤං. පොඩි නෝට්ටු ඉක්මනට වියැකෙනවා. මට කියන්නකො රු.10 සහ රු.1000 නෝට්ටු දෙකේ ආයු කාලෙ ආසන්න මාස 10 ටවත්)
  3. කාසියක සාමාන්‍ය ආයු කාලය කොච්චරද?

අලුත් මාත්තුරුකාවකිං ආයි හම්බවෙනකං හැමෝටම ආයිබෝං කිව්ව එහෙනං ඈ....

Sunday, September 21, 2014

සල්ලි දෙයියන්ගේ මල්ලිනම් ලක්ෂ්මි කවුද? (5) Brother of God and Goddess Lakshmi (Episode-5)

 
අපේ අහ නොවැරදීම කරක්ගහන අර රැස්ටෝරන්ට් එකේ මහේෂ් ගොයියා මට තර්ජනේ කොලානෙ ආයිබොවන්ඩ මේ හෑල්ල කෙරෝලටම යනකං කුරුටු ගාන්ටැයි කියලා. ඉතිං ඕං මේක තව දික්වුනාට (මේක...මේක...මේ හෑල්ල) මං නං නෑ ඕං.

කලිං අාවෙ නැති ඇත්තංට බලාගන්න මේං...


  1. ගියපාර එක
  2. ඊට කලිං පාර එක
  3. ඊටත් කලිං එක
  4. පටං ගත්තු එක


අපි දැං රිවස් කොලානේ 1970 වෙනකං. අද එතැනිනුත් පස්සට යමු අපේ රටේ ඇත්තෝ පාවිච්චි කොරාපු සල්ලි කොල හොයන්න. ඇත්තටම මේක මුද්දර එකතු කොරානවටත් වඩා රසවත් අත්දැකීමක්. එහෙනං කට්ටිය ඔක්කොම ගොඩවෙන්ටෝ...හරේ...යාං...


1966, 1968 සහ 1969 අවුරුදු වල අච්චු ගහපු ඔය උඩ තියෙන රු.100 කොලේ මහා පරාක්‍රමබාහු රජ්ජුරුවො සහ සීගිරි අප්සරාවන් තමයි හිටියේ. 1969 න් පස්සෙ ගහපු නෝට්ටු ඔක්කොගෙම මහ බැංකුවෙ නම බාසා තුනෙංම තිබ්බා .මෙයින් පස්සේ තියෙන 50, 10, 5 සහ 2 කොලවල ඉතා කුඩාවට (extra small text) ශ්‍රී ලංකා මහ බැංකු ගොඩාරියක් අච්චුගහලා තියෙනවා ඇහැක්නං හොයන්න.



මේ තියෙන්නේ 1967, 1968 සහ 1969 අවුරුදු වල ගහපු 50 කොලේ. පරාක්‍රමබාහු රජ්ජුරුවො වගේම පොළොන්නරුව රත්නගිරි වටදාගේ සඳකඩ පහණත් මේ කොලේ තිබ්බා.



1968, 1969 සහ 1970 ත් ආව මේ දහයෙ කොලේ පරාක්‍රමබාහු රජතුමායි දිසාපාලක මුරගලකුයි තියෙනවා.



මෙන්න මේ පහේ කොලේ පිටුපස තියෙන්නේ පොලොන්නරුවේ අදටත් තියෙන නිශ්ශංක මල්ල රජ්ජුරුවංගෙ සිංහාසනේ කියනවනෙ. 1965, 1968, 1969 හා 1970 අවුරුදු වල මේ නෝට්ටුව එළිබැස්සා. මුදුනෙ තියෙන 5 ඉලක්කං දෙක හැඩ දාලා තියෙන්නෙ මීට කලින් සහ මේ කාණ්ඩ වල.



1965, 1968, 1969 සහ 1970 අවුරුදුවල මැදිරිගිරිය වටදාගේ ඇතුලත් මේ දෙකේ කොලේ අච්චු ගහලා තියෙන්නේ.

දැං  අපි තව පොඩ්ඩක් පස්සට රිවස් කොරාල බලමු. මෙතනිං ටිකක් ආපස්සට යනකං නෝට්ටුවල ඉස්සරහ පැත්තෙ උන්නෙ දිවංගත එස්.ඩබ්.ආර්.ඩී. බණ්ඩාරනායක හිටපු අගමැතිතුමා.


ඔන්න මහතුනේ 1963.06.05 දින ආපු 100 කොලේ. 


ආයිත් 50 කොලේ පොලොන්නරුව රත්නගිරි වටදාගේ සඳකඩපහණත් තිබ්බා. මේවා 1961 සහ 1963 අවුරුදුවල තමා අච්චු ගැහැව්වෙ. මේකෙ රවුමක් ඇතුලෙ තියෙනවා අර මම හොයන්න කියාපු එක.


මේං මේ දහයෙ කොලේ 1964.06.12 සහ 1964.08.28 දිනවල පුරුදු පරිදි දිසාපාලක මුරගලක් එක්ක ආපි.


පහුකාලීනව කොලේ ඉස්සරහට ආව පරාක්‍රමබාහු රජතුමා පිටිපස්සට වෙලා හිටපු සුපියල් පහ 1962 සහ 1964 කියන අවුරුදුවල තමා ආවේ.



ඒවගේම 1962 සහ 1964 අවුරුදුවල මෙන්න මේ මැදිරිගිරිය වටදාගේ ඇතුලත් දෙකේ කොලේ අපිට ලැබුණා.

දැං ආයිබොවන්ඩ, අපි යන්ට තනන්නෙ තව පස්සට. ඒ කියන්නේ එකදාස් නමසිය පනස් ගණන් වලට. මේ නෝට්ටු සේරගෙම තිබ්බ දෙයක් තමා ලංකාවේ වංශ සලකුණ හෙවත් එවකට යටත් විජිත ලාංඡනය (coat of arms). ඒකෙං කියවෙන්නෙ අපි සිංහයො...ඒත් තාම ඔටුන්නට යටත්. මේං බලන්ටකො බොරුනං. හැබැයි මෙව්වයෙ තියෙන අනික් රූප ගැන මම දැං කියලා තියෙන නිසා ආයි කියන්ට යන්නෑ.


මේ 1956.10.24 දින ආපු සීයෙ කොලේ...

 මේක 1956, 1958 සහ 1959 දි ආව පනහෙ කොලේ...

 1956 ඉඳං 1963 වෙනකං 1962 ඇර හැම අවුරුද්දකම අච්චු ගහලා තියෙනවා ඔය පහල තියෙන දහයෙ කොලේ. ටොක්සයිඩ් විදගන්ට ඈ...

1956, 1957, 1958 වගේම 1960, 1962 අවුරුදුවල එලියට දාපු පහේ කොලේ හැඩ තමා මේ. මේකෙත් මලකඩ අප්පා...

ඔය උඩ තියෙන පහේ කොලේට සමගාමීව මේ පහල තියෙන දෙකේ කොලේ ගහලා තියෙන්නේ.

ඒ අවුරුදු වල වගේම 1963 ත් අච්චු ගහපු මෙන්න මේ බඩ්ඩ බලන්ටකො.

මේ තමා රුපියලේ කොලේ. 1963.06.05 අවසාන රුපියලේ කොලේ අච්චුගහලා තියෙන්නේ Bradbury Wilkinson & Co කියන සමාගම (කරුණු කාරණා හොයලා බැලුවම ඩි ල රූ තමා මේ සමාගම පසුකාලීනව පවරාගෙන තියෙන්නේ). මෙයිට කලිං නෝට්ටු වල ඉංගිරිසිය තමා රජ කොරලා තියෙන්නේ. 

මෙන්න මේ පහල තියෙන කොලේ ඉන්නෙ කවුදෑ බලාපල්ලා. 



ඔව් ඔව් දැං ඔය ඇදිලා පැදිලා ගියාට ඒ කාලේ ගිනි කිරිල්ලි වගේ හිටපු එංගලන්තෙ දෙවනි එලිසබෙත් මහ රැජින තමා ඔය බැබලි බැබලි ඉන්නේ. ඔය නෝට්ටුව වගේම පහල තියෙන 50, 10, 5, 2 සහ රුපියලේ නෝට්ටු 1952 සහ 1954 අවුරුදු වලදි කාණ්ඩ 2 කින් එළියට ආවා. 






1952 දි දම්පාටට ආපු ඔය උඩ තියෙන පහේ කොලේම රතට හුරු පාටකින් 1954 දි ආවෙ.




 මෙන්න රැජිනගෙ සුපියල.



අපි කලිනුත් කතාකර ඇති පොලොන්නරුව වටදාගේ කොරවක්ගල, සඳකඩපහන හා දිසාපාලක මුරගල් ඇතුලත් නිර්මාණයක් තමා පිටුපස තියෙන්නේ. මේ කරුණ සොයාදුන්නේ අවන්හලේ මහේෂ් බව ස්තුති පූර්වකව කියන්න ඕනි. 

ඉතිං ආයිබොවන්ඩ, අපි ඇවිල්ලා ඇවිල්ලා නවතින්නේ නිදහසෙන් පසු ලංකාවේ නිකුත්කල මුල්ම මුදල් කාණ්ඩෙට. ඔය උඩ පින්තූරවල හිටපු උත්තමාවිගෙ අප්පොච්චා වෙච්චි හයවන ජෝර්ජ් රජ්ජුරුවො තමා මේ නෝට්ටු කාණ්ඩ දෙකම සැරසුවෙ. 1951 ජනවාරි 20 තමා නිදහසින් පස්සෙ අච්චු ගහපු මෙන්න මේ මුල්ම නෝට්ටු ඩබල අපිට ලැබෙන්නේ.  




1949 අංක 58 දරණ මුදල් නීති පණතෙන් පිහිටවාපු ශ්‍රී ලංකා මහ බැංකුව මැදිහත් වෙලා ඉස් ඉස්සෙල්ලම මුද්‍රණය කොරාපු නෝට්ටු කාණ්ඩයත් ඕකම තමා.

මහංසිත් එක්ක අප්පා... ඊ ළඟ දොහේ කාසි පනම් ටිකකුත් අරං මං එඤ්ඤංකො මේක අහවරක් කොරන්ට...ඈ...

හැමෝටම එළ අනාගතයක්...!